ضحك وقيس 2011

السلام عليكم

----------------------------------

هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور



--------------------------------

واحد الشيباني قال لصاحبو: في أيامات الشباب، كانوا العيالات يجريو يتبعوني
قال ليه صاحبو: ودابا؟
قال ليه الشيباني: لا دابا صافي، عفى عليا الله من الشفرة ديال السيكان



-----------------------------------------

أستاد د الفرنسية سول واحد التلميد ديالو: كيفاش كنقولو الصراحة راحة بالفرنسية؟
قال ليه التلميد
La vérité rité



--------------------------------------

واحد سول صاحبو: باش سالات المضاربة ديالك البارح مع مراتك؟
جاوبو: جات عندي راكعة على ركابيها
وقالت ليا: خرج من تحت الناموسية أ الخواف



---------------------------------------------

واحد دا مراتو لسنيما.
قال ليها : أشنو تاكلي ؟ الزريعة ولا شي حاجة باردة؟
قالت ليه : بزوج
وهو يجيب ليها الدلاح

--------------------------------------------------------

هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة

---------------------------------------------

هادي واحد الناموسة أول يوم تطير
ملي رجعات للدار، سولاها باها: أشنو كان الشعور ديالك؟
قالت ليه: والله إيلا شعور زوين، كلشي الناس كانت كتصفق ليا

---------------------------------------
ؤشكراااا