حلوة لي صايبنا لعرس عمي .. رايكم مهم

السلام عليكم و رحمة الله و بركاته
بطلب من بعض الصديقات في المنتدى نزلت هاد الصور ديال الحلوة لي صايبنا لعرس ولد عمتي
وللاسف ما طاحش لي فبالي نصورهم ونزلهم حتى ارسلت منهم 5 الاشكال وهيالي زوينة بزاف
منهم الوردة و الدويدة و الوريقة
اما الاشكال لي بقاو عندي وصورتهم بعد ما غلفت الطباسل بالبلاستيك هوما لي غانزلهم دابا
عطيوني رايكم
حلوة المرشم
المقادير
1 . زبدة ماركرينة
4 . بيضات
2 . كيسان زيت
2 . كيسان سنيدة
1/4 . كوك
2 . خماير
الدقيق
الطريقة :
تخلط المقادير جميعها حتى تصبح عجين متماسكة
تكور كويرات صغيرة وترص في الطاوة بدون ما تضغطيها
تجيبي مرشم وتضغطي على الكويرات
الا ما عندكش مرشم تاخذي القفالة ديال labello كريم كاكاويت ديال الفم
الا ما عندكش اي غلاقة احمر شفاه بنفس المقياس وتبداي تضغطي على الكويرات بالاول من الوسط ثم الاطراف
وتزوقيها اما بالعقيق دالحلوة او فيرمييل
وتدخليها الفن تنشف ما تحمريهاش بزاف
بقلاوة
المقادير

العجين :

2 . زلايف طحين
1 . كاس زبدة دائبة
1 . ملعقة سكر كلاصي
تجمع بماء الزهر
الحشوة
1 . كيلو كاوكاو محمر ومطحون
1 . ملعقة قرفة منيلة
1 . كاس سكر كلاصي
تجمع بالزبدة الدائبة
الطريقة
تورقي العجين مزيان بالمدلك ويلا عندك الة التوراق يكون احسن تورقي على اخر درجة لي هيا 1
وترصي الورق في الطارة وتدهنيها بالزبدة المدابة ثم تضيفي طبقة الحشوة ثم تغطيها بالعجين المورق
ثم تبداي تقطعي الى مربعات صغيرة وبكل مربع تحطي نصف كاكاو او نصف لوزة
من بعد رشي بالزبدة ودخلها الفرن
ملي تخرجيها سقيها بالعسل حوالي سطيلة متوسطة باش تتشرب مزيان وخليها تتشرب وعمليها فكويغطات
ريشبوند
المقادير :

3 . بيضات
3 . كيسان زيت
3 . كيسان سنيدة
3 . خمارات
الدقيق

الطريقة :

نخلط المقادير ونجمعها بالدقيق حتى تتماسك من بعد نبسط العجين بالدلاك او الالة 1 او 2 سنتم

ونقطعها بالقطاعة لي يعجبك الشكل ديالها وتصرف فالطاوة و تدخل الفرن حتى طيب ونخرجها

ناخد قرعة كبيرة كونفتير اللبرتقال داك اللي جاري ماشي الخاتر

نخويها فكاسرول ونضيف لها عصير 2 حامضات نغليهم فوق النار شوية

ثم نخليه يدفى ونغمس فيه الحلوة لي طلعنا من الفرن ثم نلصقها مع بعض ونفندها فالكوك انا فندتها فكاوكاو مهرمش طلعت غزالة

غريبة البهلة

المقادير :

1 . ماركارينة
1 . كاس زيت
2 . كيسان سنيدة
1 . ملعقة قرفة
شوية ماء زهر
1 . كاس زنجلان
3 . خماير
الدقيق

الطريقة :

تجمع المقادير مع بعض ونضيف الدقيق حتى تصبح العجين متماسكة وتكون قاصحة شوية

ثم نكورها بلاما نضغط عليها ونرصها فالطاوة وندخلها الفرن التحت باش تفرقع


القبة

المقادير :

1 . ماركارينة
2 . بيضات
2 . كيسان زيت
2 . كيسان سنيدة
2 . خماير
فواكه معسلة

الطريقة :

تجمع المقادير المذكورة جميعها بما فيها الفواكه المعسلة fruit confit

تعملها فالمغرف المرشوم لي على شكل قبةوتضغط عليها باش تطبع الرشمة وتنزولها

او يمكن لك تعملها فاي شكل اخر حسب اختيارك

ترص فالطاوة وتدخل الفرن


حلوة القنفود

المقادير

1 . زبدة ماركارينة
4 . بيضات
2 . كيسان زيت
2 . كيسان سنيدة
بودرة الكاكاو
2 . خمارات
الدقيل

الطريقة

تخلط المقادير وتجمع بالدقيق بالاضافة لبودرة الكاكاو حسب قوة اللون و النكهة المرغوبة

تشكل منها على هيئة قنفود ثم تشوك بالمقبص او براس المقص ثم تدخل الفرن


المحار


500 . غ دقيق
125 . غ زبدة
4 . ملاعق ماء زهر
ماء

الحشوة :

على حسب الرغبة معجون التمر او مطحون الكاوكاو او اللوز

انا عملت مزيج الكاوكاو و الكوك مع نقطة من نكهة اللوز (قريعة روح اللوز)

الطريقة

تجمعي العجين و تسرحيها بالمدلك او الة التوراق وتسرحيها بالطاولة وتقطعيها على شكل اقراص
من بعد تاخذي القرص تضيفي لها حريبلات من الحشوة تكوني قبل حربلتيهم على شكل صبيعات رقاق
ثم تطوي القرص نصفين و تضغطيه من الطراف بالقراص (منقاش)
ثم تدخليها الفرن من بعد تخرجيها وتفنديها فسكر كلاصي

بالنسبة لي انا عملتها في قطاعة خاصة بعمل المحار غدا ان شاء الله نصورها لكم مع المغرف المرشوم باش صايبت القبة

الفقاص

المقادير :

8 . بيضات
1 . زلافة زيت
1 . زلافة سنيدة
2 . خمارات
1/2 . كاس زنجلان
2 . معالق كونفيتير
قبصة حبة حلاوة والنافع
الدقيق


تجمعي المكونات كلها وتعملي منها شكل باريزيان وتدهنيها باصفر البيض منسم بشوية نيسكافي وتشرطي بالشوكة

وتدخليه الفرن كيما معروف يطيب نصف طيبة

من بعد تقطعيه وترجعي الفران يتحمر


حلوة مغموسة فالشكلاط و الكوك

نفس مقادير ريشبوند ولكن ما تتغمسيهاش فالكونفيتير تتخليها ناشفة وتغمسي نصها فالشكلاط و تفنديه فالكوك

مشكككككككككككككككككككككككككككككككككككككككككككككورة حبيبتي الوصفات جد رائعة تسلمي ياذات الذوق الرفيع

هدا واجبي

تسلمي يداكي

الله يسلمك

thanks

تسلم

مشكورة

الله يسلمك

مشكورة

شكرا على الوصفة

mercciiiiii :P

شكرااا لكــــــــــــــــــــــ ي