كان عندي مكتوب كنت داسه فالبانكا قلت انا نشري لوطو نضهد العديان اندور و اندودر شريت سينكا و مين سقستني العجوز قلتلها هذي سافران و قالتلي صح مالها باركا قلتلها ديفو برك المورتيسال عيان كشفني ربي و بهدلني مع طريق الرمكة جميع لي يدوبليني يقولي عميتني بالدخان و زاد قبضني لارمي وين داي هذي الركراكة قلتلهم معروض للكورتاج شبع ضحك الكابتان و فالروتور جا مكابليني مولا جياكا داني طريق عند فتحي التريسيان و قالي ماله يا الشريكا قلتله لانبا مراهيش تسنيي انحرقو الخيطان الموتور راني قابضه غير بسلوكا نعرفك يا فتحي يدك مبروكا اصنعهالي رجعهالي ميقان
حليم المعسكري
