[دوخني عشقك هذوا عوام أديتي قلبي وذوبتيه يا حمامة
هذوا سنين ما صرا حتى بروبلام درتي الباطل وماشفتي مني ملامة
كل ما نتفكرك نكتب فيك كلام يعجز على فهمه العولامة
الشعر فيك حلال ما هو حرام معاك مابقاتلي هدرة ولا فهامة
بعد هذه العشرة نكرتي الملح و الطعام وما عطيتيني ولو حتى ابتسامة
أنا عشقتك و العاشق لا يلام ستغليتي le casion يا بنت بابا وماما
وقلتsi fini في عيد ميلادي بالتمام علاه درتيلي هكذا وارتكبت الجريمة
قتلت قلبي وأنا رايح خدام ما درتيش حسابك يا الفاهمة
عيشتيني في أحلام وأوهام وأنا بلا عقل نتبع فيك يا العمامة
وليت نشوفك في كل منام عطيتك قلبي ودرتك كي النجمة
بعد هذا الشيء ما رنيش نادم سمحتي فيا وماراكيش مامبا مهمومة
قلتهالك بكل اللغات وبالفرنسية je t’aime العشق معناه كبير وما يتقدرش بالسومة
دوخوني عينيك وليت كي النسر فوق الحمام أنت غزالة تدي العقول بلا مساومة
صبرين اسمك معناه كبير يا سلام لكنه وسمحيلي على غير مسمى
بغيتي لفراق افترقنا فراق الكرام كل هذوا لسنين وما خليتي حتى علامة
قلت ما طولش وتبغيني مع ليام حبيتيني حب الكاذب يا المسمومة
كي تحكي في التليفون تقولي سلام و العاشقات يقولوا هاي حبيبي طايرا فالسما
بعدتي عليا شكون الملام البلا ساعات و الهنا ديما
نتمنالك السعادة مع هذا الغلام الي عشقتيه وبيه راكي مغرومة
ما بقى لمان لافي حنان ولا سكينة لا خديجة لا نوال لا وسيلة
الحب و العسق مالوا دوا يا بنادم دواه النسيان وخطيكم يا الفوهامة
تتكبر وأنت تحاول واش هذا العلم الدنيا نقلبت ولات هي المعلمة
مابقى حيا مابقى احترام مابقى قدر ومابقات الحشمة
تلبس القصير عريانة من رول و القدام تتمشى و تتمغتر بلا علامة
راحو ناس زمان وراحت الحشمة راحو ناس الكبار وراحوا ناس الكرامة[/center][/right][center]
