منتديات ستار تايمز 5

مرحبا بك زائرنا الكريم في منتديات ستار تايمز 5

اذا كنت غير مسجل يشرفنا ان تقوم بالتسجيل وذلك بالضغط على زر "التسجيل"

واذا كنت مسجل قم بالدخول الان وذلك بالضغط على زر"الدخول"


مع تحيات ،، اداره منتديات ستار تايمز 5



 
الرئيسيةالتسجيلدخول

 

 لاتقنط ياخاطري (من معلقات الشعر الملحون)لبن كريو .............

اذهب الى الأسفل 
كاتب الموضوعرسالة
chentouf
عضو برونزي
عضو برونزي
chentouf

الجنس : ذكر عدد المساهمات : 4309
تاريخ التسجيل : 07/02/2010
الموقع : تغنيف (معسكر) الجزائر

لاتقنط ياخاطري (من معلقات الشعر الملحون)لبن كريو ............. Empty
مُساهمةموضوع: لاتقنط ياخاطري (من معلقات الشعر الملحون)لبن كريو .............   لاتقنط ياخاطري (من معلقات الشعر الملحون)لبن كريو ............. Emptyالجمعة 19 فبراير 2010 - 18:01

لاتقنط يا خاطري ساعف لقـــــــــدار....واتماهل لمصايب الدهر الفــــــا ني
ما دامت شدة على من في لعســــــار....واللي صابر فوت الدنيا هــــــــــــاني
الدنيا من شاوها اللعقاب امــــــــــرار....تتقلب باقدار أمر الفوقــــــــــــــاني
ابكي ياعيني على ما بي صــــــــــــــــــار....نوحي عني بالبكا طول ازمـــــــاني
ما طاوعني خاطري خالف لشـــــوار....لا بى ينسى طلعة البدر عصـــــاني
اتحايا جرحا كتمتو عني ثــــــــــــار....بعد ان كنت سنين عنو متغـــــــــاني
يا سابغة الدوروالعين ولشفــــــــــــار....غرامك يا زينة القد قضـــــــــــــاني
طبيب زماني كي مس زنودي حــــار....اسكت ساعة من ازمان و نبــــــاني
سلتك بالله قالي ثماش افكـــــــــــــــار.... تهدس بيهم في ضميرك دخـــــلاني
التجريب يبين علايم لضـــــــــــــرار....كيما سلتك راه علمــــــــــــي وراني
يا حكيم دريت بحقايق لخبــــــــــار....راك طلعت على همومي واحزاني
يا حكيم ان جيتني لهموم كبــــــــــار.... عاجز عن توصيفهم كل لســــاني
نحكيلك منهم مسايل باختصـــــــــار....وانت قيس امثال عنهم واهدانـــــي
يا حكيم انحس تحت ضلوعي نــــار....مزيلف بها ضميري واكنـــــاني
انوح نوح الحمام على لوكـــــــــــار....وانسي ناس المحاين بامحانـــي
يا حكيم القلب دار جناح وطــــــــار....ويخفق وسط الفريسة عيــــاني
يا حكيم انسيت ناسي واللي جـــــار....واتفكرت خيال ولفي كي جـــاني
ما لي شفقة ع البكا بدموع غــــزار....فوق خدودي عين تجري وســـواني
يا حكيم الليل عني عاد نهــــــــــار....ما نسهاشي فيه غمضة باعيـــاني
نومي شارد بيه لسقام ولكــــــــــدار....سول من لي احباب وجيــــــراني
فيك انحدث يا طبيبي باللي صـــار....هذا حالي كون لي في عــــــــواني
يا خوتي هذا الطبيب من الشطـــار....صاحب سياسة منجم يونــــــــاني
ظهر لي بعض الدسايس من لسرار....وارماهالي داخلةوسط امعـــــاني
استر حالي ما بداهش للحظــــــــار....كلمني بكلام مرموز مقــــــــــاني
قال اضرارك واعصة فيها لخطـار....واطليبك هو طبيبك حقــــــــــاني
انا بي حب قصافة لعـــمــــــــــــار....خبالة غزلي اللي كان امقـــــــاني
يا ولفي ما فاد في حبك عقـــــــــار....خان الطالب وخانت كتبو ثــــــــاني
لو شفتو يا عامتي في ما صـــــــار....ودخلتو غمرات هولي وهــــواني
يغيظكم ما صار لي وتقولو عــــار....لاه انواسي هاكذايا من جفــــــاني
يا عذابت خاطري حبك مــــــــا دار.....صابحني قبل الصلوات خــــــذاني
حرك لي بمحالو جاني غـــــــوار.....ماهو طالب مال رايد الفتـــــــــاني
اعجاجو فوق المقاسم دار ستــار.....ضايقني من كل جهة زاقـــــــــــاني
مركب حربات مثفونة باسحـــار......وفراسينو للبلاجات تعــــــــــــــاني
اسلاحو نعت البرق يلوح اشــرار.....حربو فايق كي حروب العثمــــاني
اعلى الومية دار سبــــــع ادوار.......احليل اللي راه مثلي وسطــــــــاني
لاه انبارز في الغرام بلا نعـــار......لا خل نفعني ولا مال افــــــــــــــداني
فنى صبري راحت جنودي كسار....راني رنديت السلاح وبـــــــــــرداني
اعلي يا محنتي ما اعتاه نهــــــار....يسخى لي فيه الحجرمن تحـــــــــزاني
ناس الجود يسلكو مطلوب الثار......اناي في حرمتك فك الجــــــــــــــاني
سيافك يا زينة الوشمة جبــــــار......ما تدمع لو عين قلبو نصــــــــــــراني
وثقني في وثق الذل و لحقــــــــار......بالعفة ناديت لوما نبـــــــــــــــــــــاني
وداني مملوك عبد بلا تحـــــرار......واطبعني بالنارعلى القلب كـــــــواني
قلع بي في البحرواسع تيــــــــار......في المحيط اللي امهول خــــــــــلاني
بحر غرامك هلكو ريح التفكـــار......اتقوى موجو اعـــــــــــــــلي واداني
ما سهرو بخيال اصبيحة لفجــــار......ما دركوش غرامهاعين الجــاني
اللي عدى حمة المحنة صبــــــار.......ما يعلم باهوال جرحو بـــــراني
امديسني حب قصافة لعمـــــــــار.......اذا تهت مع المقاسم مقـــــــواني
راني عدت غريب عن ناسـي دوار.....بين الخو والخال راني بــــــراني
بلا كتبة جالبتني يا ستــــــــــــار........لا تبخيرة ولا عزيمة روحـــاني
يا قلبي شربتني من كل امــــــرار.......واش ايطفي لوعتك يا تشطـــــاني
سبحان اللي كاتبةعني باسطـــــار.......فوق اجبيني حطهم بالسريـــــــاني
يا بركة عيسى الشاعر المختــــار.......واللي عمر كوردان التجــــــاني
ما نقطع لياس فالايام طـــــــــوار.......نرجى وقت ان فاتني يستنـــاني
هنتيني وعلاه ياسابغ لشفــــــــار........ما في النسبة ذميم ولا دانـــــــي
أغواطي نسبي قديم بلا تفخـــــار........وجدودي هما الساس التحتــاني
الناس يظنو علي ظن خيــــــــــار........غير انت ناقصة من ميــــزاني
يا بركة من طوع الصيد الزهـــار........بن عودة ورفاقتو والجيلانــــي
واللي كان نهار ياتوهم زيــــــــار.........مولى مليانة و سيد البركـــاني
والصلاح اللي مراكز في لقطـــار.........رجال الدالة وويس القرانـــــي
ردو قلبي للوطى يخطي لوعـــــار.........نتهنى من ذا المحاين بركــاني
عبد الله بيه الغرامنظم لشعـــــــــار.........ع المجحودةما ما نسميها عاني
اذانصبر خاطري ما هنا ني
__________________
الرجوع الى أعلى الصفحة اذهب الى الأسفل
honey
عضو نشيط
عضو نشيط
honey

الجنس : انثى عدد المساهمات : 291
تاريخ التسجيل : 17/12/2009

لاتقنط ياخاطري (من معلقات الشعر الملحون)لبن كريو ............. Empty
مُساهمةموضوع: رد: لاتقنط ياخاطري (من معلقات الشعر الملحون)لبن كريو .............   لاتقنط ياخاطري (من معلقات الشعر الملحون)لبن كريو ............. Emptyالجمعة 19 فبراير 2010 - 18:07

مشكووووووووووووووووووووووور
الرجوع الى أعلى الصفحة اذهب الى الأسفل
اميرة المحبة
مشرف
مشرف
اميرة المحبة

الجنس : انثى عدد المساهمات : 1213
تاريخ التسجيل : 03/12/2010
العمر : 29
الموقع : ALGAI

لاتقنط ياخاطري (من معلقات الشعر الملحون)لبن كريو ............. Empty
مُساهمةموضوع: رد: لاتقنط ياخاطري (من معلقات الشعر الملحون)لبن كريو .............   لاتقنط ياخاطري (من معلقات الشعر الملحون)لبن كريو ............. Emptyالأربعاء 16 فبراير 2011 - 20:23

بارك الله فيك












الرجوع الى أعلى الصفحة اذهب الى الأسفل
 
لاتقنط ياخاطري (من معلقات الشعر الملحون)لبن كريو .............
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ستار تايمز 5 :: أدب وشعر :: الشعر الشعبي-
انتقل الى: